Me 18 qershor 2022 Ministria e Arsimit, Shkencës, Teknologjisë dhe Inovacionit (MAShTI) organizoi Provimin e Maturës 2022, të cilët i’u nënshtruan rreth 22 mijë maturantë në tërë Kosovën.
Provimi i Maturës këtë vit është organizuar në 171 Qendra të Testimit, ndërsa të angazhuar për mbarëvajtje të procesit kanë qenë rreth 1600 administrues.
Këtë vit në Provimin e Maturës kanë marrë pjesë gjithsej 630 nxënës të klasave të 12-ta nga Komuna e Suharekës,
Rezultatet e testit të Maturës tashmë janë shpërndarë në shkollat e vendit.
Ermira Gashi, është nxënësja që mori më së shumti pikë në nivel komunal në Testin e Maturës, e ndër të parat në nivel vendi.
Kështu ka bërë të ditur edhe kryetari i Komunës së Suharekës, Bali Muharremaj.
“Ermira Gashi ka arritur pikë maksimale në testin e maturës”, ka shkruar Muharremaj.
Po ashtu, ai ka shtuar se ajo është ndër të parat në nivel vendi, dhe për këtë jemi të gjithë krenar.
I pari i Suharekës i ka uruar Ermira Gashit suksese në studime./SO
