Sot nis java e 16-të e Superligës së Basketbollit të Kosovës me një përballje emocionuese mes Trepçës dhe Golden Eagle Yllit, në palestrën “Minatori” në Mitrovicë. Ndeshja fillon në ora 17:00 dhe pritet të tërheqë vëmendje të madhe, shkruan 04 Online.
Trepça, liderja e tabelës me 11 fitore dhe vetëm 4 humbje, synon të vazhdojë dominimin e saj këtë sezon. Nga ana tjetër, Golden Eagle Ylli, aktualisht në vendin e gjashtë me 7 fitore dhe 8 humbje, kërkon të rikthehet fuqishëm në garë për një pozicion më të mirë.
Kjo përballje premton spektakël dhe emocione për tifozët, ndërsa skuadrat luftojnë për pikë të rëndësishme në këtë fazë të kampionatit./04 Online
