Kryesuesi i Bordit të Zyrës së Rregullatorit të Energjisë, Ymer Fejzullahu, ka thënë se ata do ta pranojnë çdo vendim të Gjykatës së Apelit.
“Zyrtarisht ende s’kemi marr vendim zyrtar. Kemi thënë se do ta zbatojmë çfarëdo vendimi që vjen nga Gjykata e Apelit, sepse për ne vendimi i Gjykatës Themelore s’ka qenë i obligueshëm”, është shprehur Fejzullahu, njofton Klankosova.tv.
Kujtojmë se ZRRE më 8 shkurt pati marr vendim për shtrenjtimin e tarifave të energjisë elektrike, vendim ky që do të përfundonte më 31 mars 2023, por ishte PDK-ja ajo që këtë çështje e çoi në gjykatë dhe më pas Gjykata Themelore e anuloi atë.
