Shqipëria do të sfidojë Moldavinë për herë të shtatë në histori. Kuqezinjtë e Sylvinhos zbresin në fushën e Stadionul Zimbru me misionin për të prerë biletën në Gjermani 2024 dhe për të ruajtur pathyeshmërinë ndaj këtij kundërshtari.
![](https://i0.wp.com/www.supersport.al/wp-content/uploads/2023/11/FORMACION-ERJONI-1024x576.png?resize=696%2C392&ssl=1)
Në gjashtë duelet e mëparshme kundër Moldavisë, Shqipëria ka regjistruar 5 fitore dhe një barazim, në miqësoren e gushtit të vitit 2012 në Shqipëri. Ndeshje që përfundoi në barazim pa gola.
Ndërkohë që takimet e tjera kanë qenë për eliminatoret e Europianëve. Të pesta të fituara nga kombëtarja shqiptare. Vlen për t’u theksuar se kuqezinjtë kanë pësuar gol nga Moldavia vetëm në një sfidë.
![](https://i0.wp.com/www.supersport.al/wp-content/uploads/2023/11/rEND-1.jpg?w=696&ssl=1)
Ishte përballja e qershorit të vitit 1995. Duel i vlefshëm për fushatën kualifikuese të Angli 1996, të cilin Shqipëria e fitoi 2-3 në Kishinjev.
Suksesi u fundit u regjistrua në qershorin e këtij viti në “Air Albania”, me djemtë e Sylvinhos që mposhtën Moldavinë 2-0 falë realizimeve të Jasir Asanit dhe Nedim Bajramit.