Kombëtarja e Brazilit ka shënuar fitore të rëndësishme ndaj Haitit me rezultat bindës 3-0, në ndeshjen e vlefshme për raundin e dytë të fazës së grupeve të Kupës së Botës 2026.
Brazilianët dominuan takimin që nga minutat e para dhe arritën të kalojnë në epërsi në minutën e 23-të falë golit të Matheus Cunha. Sulmuesi brazilian vazhdoi paraqitjen e shkëlqyer duke realizuar edhe golin e dytë në minutën e 36-të, duke i dhënë ekipit të tij një avantazh të sigurt, shkruan 04 Online.
Pak para përfundimit të pjesës së parë, në minutën e tretë shtesë (45+3), Vinícius Júnior vulosi fitoren e Brazilit me golin e tretë, duke mbyllur praktikisht çështjen e fituesit.
Me këtë sukses, Brazili ngjitet në krye të Grupit C me katër pikë të grumbulluara, duke forcuar pozitat në garën për kualifikim në fazën tjetër të turneut.
Në anën tjetër, Haiti vazhdon të mbetet pa pikë pas dy ndeshjeve dhe renditet në vendin e fundit të grupit.
Grupi C mbetet një nga grupet më interesante të këtij edicioni, pasi edhe Maroku numëron katër pikë në pozitën e dytë, ndërsa Skocia mban vendin e tretë me tre pikë, duke lënë gjithçka të hapur për ndeshjet e ardhshme./04 Online/
