Kolegu i Toni Kroos: Mund të tërhiqet në verë! Ju tregoj pse

0
139

Toni Kroos u rikthye te Gjermania në miqësoren ndaj Francës, takim të cilin skuadra e Nagelsmann e fitoi 2-0. Pak sekonda i mjaftuan mesfushorit të madh të Realit për të dhuruar asistin për golin e parë të Wirtz me fanellën e Kombëtares.

Kroos vendosi të tërhiqej nga Gjermania pas Euro 2020, por insistimi i trajnerit, tifozëve dhe shokëve të skuadrës, ndikuan që 34-vjeçari të ndryshonte mendim dhe të rikthehej.

Dhe Gjermania është ndryshe me të në fushë. Në lidhje me formën e shkëlqyer të Kroos foli edhe Aurelian Tchouameni, shok skuadre te Reali dhe kundërshtar në Francë-Gjermani.

Toni po luan në nivele të jashtëzakonshme. Gjithsesi, ai mund të tërhiqet në fundin e sezonit, pasi gjithmonë e ka shprehur se dëshiron ta mbyllë me futbollin në formë të mirë”, u shpreh 24-vjeçari francez.

Kroos ndodhet në vitin e fundit të kontratës me “Los Blancos”. Carlo Ancelotti e ka shprehur disa herë dëshirën që gjermani të rinovojë për të paktën edhe një vit.

Por, mesfushori nuk ka vendosur ende përfundimisht për të ardhmen e tij. Vendim të cilin do e bëjë publik gjatë javëve të ardhshme./SS

Leave a Reply