Një aksion i njësisë antidrogë në Prizren ka çuar në arrestimin e dy të rinjve që dyshohet se merreshin me shpërndarje të narkotikëve, mëson Sinjali.
Ngjarja ka ndodhur më 24 prill 2026, rreth orës 16:05, në rrugën “Nazim Buduri”, ku pas informacioneve operative, hetuesit e DHTN-së kanë ndërhyrë dhe kanë arrestuar në vendngjarje T. Sh., rreth 21-vjeçar dhe E. Xh, rreth 24-vjeçar.
Sipas burimeve, të dyshuarit bashkëpunonin mes vete dhe dyshohet se shpërndanin substanca narkotike të llojit marihuanë si në rrugë, ashtu edhe nga shtëpitë e tyre, të cilat ndodheshin afër njëra-tjetrës.
Gjatë kontrollit fillestar, tek ta janë gjetur substanca narkotike, ndërsa me urdhër të prokurorit janë bastisur edhe dy shtëpitë e tyre.
Në këto lokacione janë sekuestruar:
11 qese me marihuanë me peshë totale 20.21 gram,
2 qese me mbetje të kokainës,
1785 euro dhe 2000 lekë para të gatshme,
41 qese të zbrazëta për paketim,
2 telefona mobil.
Të gjitha provat janë dokumentuar dhe sekuestruar nga njësia e forenzikës.
Pas intervistimit në prani të avokatit, me vendim të Prokurorit të Shtetit, të dy të dyshuarit janë ndaluar për 48 orë nën dyshimin për kryerjen e veprës penale “Blerja, posedimi, shpërndarja dhe shitja e paautorizuar e narkotikëve”.
Të njëjtit janë dërguar në Qendrën e Ndalimit në Prizren, ndërsa hetimet për këtë rast janë në vazhdim./Gazeta Sinjali/
