Në një botë ku teknologjia përparon me hapa të shpejtë, është koha që edukimi në Kosovë të kthehet në një rrugë digjitale. Digjitalizimi i procesit mësimor sjell me vete avantazhet e mëdha, si përdorimi më efikas i burimeve, qasja më e lehtë për nxënësit dhe bashkëpunimi i zgjeruar ndërmjet shkollave.
Në vend të librave dhe materialeve të shtypura, nxënësit mund të kenë akses në platforma mësimore online që ofrojnë informacion të freskët dhe të përditësuar. Kjo jo vetëm do të ulë barrën e librave, por gjithashtu do t’u ndihmojë ata të ndjekin mësimet më lehtësisht nga shtëpia.
Një sistem i digjitalizuar do të lehtësonte komunikimin mes mësuesve, nxënësve dhe prindërve. Një aplikacion i dedikuar mund të ofronte informacione të vazhdueshme për prindërit lidhur me prezencën, vlerësimet dhe performancën e fëmijës së tyre. Kjo do të inkurajonte pjesëmarrjen aktive të prindërve në edukimin e fëmijëve.
Megjithatë, duhet t’u kushtohet vëmendje ndryshimeve të mundshme sociale dhe ekonomike që mund të shkaktojë ky proces. Siguria e të dhënave personale, aksesueshmëria e barabartë në teknologji dhe shprehjet digjitale janë çështje që duhet të trajtohen me seriozitet.
Digjitalizimi i procesit mësimor në Kosovë nuk është vetëm një zgjidhje moderne, por një nevojë shumë e rëndësishme. Nxënësit e ardhshëm kanë nevojë për një mjedis të përditësuar dhe të pasur me teknologji që do t’u mundësojë të përparojnë në një botë gjithnjë e më digjitale.
Shkruan: Blerim Q. SARAMATI
* Shkrimet në këtë rubrikë nuk shprehin qëndrimet e 04 Online
