Në Prizren nisi edicioni i 4-të i autostradës bienale, ku artistë nga vende te ndryshme të botës do të shfaqin veprat e tyre në ekspozita. Sivjet për dallim nga herët e kaluara, hapësira e programi pësuan ndryshim të madh.
Por, risitë nuk mbarojnë me kaq. Organizimi këtë vit u shpërnda edhe në dy qytete tjera, Prishtinë e Mitrovicë, njofton Klan Kosova.
E qëllimi i kësaj ngjarjeje që po sjell në Prizren për të katërtën herë artistë të shumtë, është i qartë, lidhjet me komunitetin artistik. Ky edicion i ekspozitës ndërkombëtare të artit bashkëkohor do të jetë i hapur deri më 9 shtator.
