Rasti tronditës i vrasjes në Kobaj po merr përmasa edhe më të rënda. Burime të Sinjalit bëjnë të ditur se, përveç të dyshuarit kryesor për ekzekutimin e viktimës, në prangat e Policisë ka përfunduar edhe nëna e tij.
Ajo dyshohet se ka pasur rol në nxitjen e kryerjes së vrasjes, çka ka zgjeruar hetimet dhe ka ndryshuar kahun e këtij rasti që ka tronditur opinionin publik.
Autoritetet janë duke ndërmarrë veprime intensive hetimore për të zbardhur plotësisht rrethanat dhe për të përcaktuar përgjegjësinë e secilit person të përfshirë.
Sinjali do t’ju mbajë të informuar për çdo zhvillim të ri rreth këtij rasti që po vazhdon të shkaktojë jehonë të madhe në vend.
Shënim: Dyshimet ndaj të arrestuarve mbeten në fazën e hetimeve dhe vlejnë deri në marrjen e një vendimi përfundimtar nga organet kompetente të drejtësisë./Gazeta Sinjali/
Shënim: Personi i përmendur në këtë lajm konsiderohet i pafajshëm derisa fajësia e tij të vërtetohet me vendim të formës së prerë të gjykatës kompetente.
