Amir Saipi ka pasur paraqitje të mirë për skuadrën e Luganos, që të enjten mbrëma barazoi 1:1 në udhëtim te Grasshopperi, në ndeshjen e xhiros së 12-të.
Portieri i Kosovës golin e pranoi në minutën e 30-të, kur shënoi Nikolas Muci.
Në minutën e 52-të, Lugano i barazoi shifrat dhe rezultati nuk ndryshoi më.
Saipi në fundin e ndeshjes e pati edhe një pritje të mirë, dhe ia siguroi skuadrës së tij një pikë.
Saipi e Albian Hajdari në qendër të mbrojtjes e kompletuan ndeshjen.
Uran Bislimi u inkuadrua në minutën e 55-t, kurse Shkëlqim Vladi, në minutën e 62-të, te mysafirët.
Kapiteni i Grasshopperit, Amir Abrashi, e ndoqi ndeshjen nga tribunat, bashkë me tifozët e skuadrës.
Lugano pas 12 ndeshjeve ka 22 pikë në vendin e tretë, dy më pak se Zurichu e Servette.
Grasshopperi i parafundit ka nëntë pikë./Express
