Brajan Gruda është një nga talentët që ka shkëlqyer në Bundesligë sezonin e fundit, me sulmuesin 20-vjeçar që zgjodhi të luante për Gjermaninë përpara Shqipërisë, duke refuzuar ftesën e bërë nga Sylvinho përpara Europianit.
Duket se talenti shqiptar tashmë ka hedhur një hap të madh në karrierën e tij, duke i dhënë fund aventurës te Mainz 05 për një të ardhme në Premier League.
Eksperti i merkatos, Fabrizio Romano ka konfirmuar transferimin e Grudës te skuadra e Brighton për shumën e 30 milionë eurove.
20-vjeçari ishte prioriteti kryesor i trajnerit të ri të skuadrës angleze, Fabian Hürzeler, teksa tashmë pritet vetëm zyrtarizimi nga ana e klubit, që do të ndodhë ditët në vijim.
