RB Leipzig ka refuzuar një ofertë prej 100 milionë eurosh nga Real Madridi për sulmuesin anësor Yan Diomande, duke e bërë të qartë se nuk ka ndërmend të heqë dorë lehtësisht nga një prej talenteve më premtuese të skuadrës.
Sipas Sky Germany, klubi gjerman do të shqyrtojë largimin e 18-vjeçarit vetëm në rast se mbërrin një ofertë vërtet e jashtëzakonshme, pavarësisht interesimit të madh nga klubet elitare të Evropës.
Nga ana tjetër, destinacioni i preferuar i Diomandes mbetet Paris Saint-Germain. Raportohet se lojtari tashmë ka arritur marrëveshje për kushtet personale me kampionët francezë, me një kontratë të vlefshme deri në vitin 2031.
Tashmë mbetet të shihet nëse PSG do të bëjë lëvizjen vendimtare për të bindur Leipzigun, apo nëse Real Madridi do të rikthehet me një ofertë edhe më të lartë për talentin nga Bregu i Fildishtë.
