Ndërsa temperaturat ulen, tendencat e reja të këpucëve kanë filluar të shfaqen dhe të zënë vend në gardërobën tonë. Në gjysmën e dytë të 2023, takat minimaliste janë ende shumë në modë, duke i shtuar disa centimetra të gjitha pamjeve tona në mëngjes dhe në mbrëmje.
Në pjesën më të madhe, opsionet e këpucëve të këtij sezoni janë goxha praktike, por sigurisht që nuk u mungon emocioni, ndaj le t’i hedhim një sy 6 tendencave që do të dominojnë këtë fundviti.
Është një zgjedhje e shkëlqyeshme për vjeshtën kur nuk jeni ende gati për çizmet, por kjo nuk do të thotë se ato nuk mund të vishen gjatë gjithë vitit.
Këpucët mokasin
![](https://i0.wp.com/cdnimpuls.com/living.al/media3/bcea95d2bdce7b158f2baf2f384ae875.png?w=696&ssl=1)
“Këpucë në ngjyrë kafe”
Po aq e gjithanshme dhe elegante sa e zeza, nuancat e thella të kafesë kanë një ngrohtësi që i bën këpucët tuaja të duken tejet luksoze.
![](https://i0.wp.com/cdnimpuls.com/living.al/media3/4e993e757cf49f0c6adc3a2213265576.png?w=696&ssl=1)
Çizmet mbi gju
Ky është padyshim trendi më i përhapur i çizmeve në pistat e modës, ato shfaqen në koleksionet e “Stella McCartney”, “Vivienne Westwood”, “Philipp Plein” dhe “Etro”.
![](https://i0.wp.com/cdnimpuls.com/living.al/media3/e56f46a9e37f63e9d350ef8bb46f57b1.png?w=696&ssl=1)
Këpucët minimaliste me takë të ulët
Minimalizmi ka një vend në zemrat tona për disa sezone tashmë. Të ndikuar nga vitet ’90, këpucët me taka të ulëta janë një stil i domosdoshëm për veshjet e çdo femre.
![](https://i0.wp.com/cdnimpuls.com/living.al/media3/02c5885f6bd2a60fe23199bf91b2a5a7.png?w=696&ssl=1)
Mary Janes
Ka një muzë për secilën prej epokave të tyre në histori: Jean Shrimpton në vitet ’60, Courtney Love në vitet ’90, Alexa Chung në vitet ’00 dhe Zoë Kravitz tani. “Mary Janes” e këtij sezoni vijnë në materiale, ngjyra dhe lartësi të ndryshme.
![](https://i0.wp.com/cdnimpuls.com/living.al/media3/02790b6443d6501c61b9c04fe84e8dae.png?w=696&ssl=1)
Këpucët dekolte të zbukuruara
Këtë sezon këpucët tona janë të zbukuruara me harqe dhe janë mënyra më e mirë për të përmirësuar stilin tuaj. Lajmi i mirë? Ato shkojnë me pothuajse gjithçka!
![](https://i0.wp.com/cdnimpuls.com/living.al/media3/f16cd6c2b1f2b0027ca127f639a5d03e.png?w=696&ssl=1)