Uji është zgjedhja e parë, por ushqimi mund të sigurojë gjithashtu sasinë e ujit të nevojshëm në ditët e nxehta.
Këtu janë disa këshilla për t’ju ndihmuar të shmangni dehidratimin:
1. Pini shumë ujë
Djersitja bën që trupi të humbasë shumë ujë, ndaj duhet të pini të paktën 8-10 gota ujë në ditë. Shtoni feta limoni ose kastravec në ujë për një shije freskuese.
2. Frutat dhe perimet
Frutat dhe perimet me përmbajtje të lartë uji janë ideale për ditët e nxehta. Ato jo vetëm që ofrojnë ujë, por edhe vitamina dhe antioksidantë.
3. Ushqime të lehta
Zgjidhni alternativa të lehta dhe të ftohta. Sallatat me perime të freskëta, mish pule ose ton dhe pak vaj ulliri janë ideale. Supat e ftohta me bazë jogurti ose kastraveci janë gjithashtu freskuese dhe ushqyese.
4. Reduktoni kafenë dhe alkoolin
Kafeina dhe alkooli mund të shkaktojnë dehidrim. Në vend të kafesë dhe pijeve alkoolike, përdorni lëngje natyrale, çajra bimorë dhe ujë të thjeshtë.
5. Snacks të vogla
Zgjidhni arra, kos dhe fruta me mjaltë dhe drithëra të bëra vetë. Këto ushqime sigurojnë energji pa rënduar në stomak.
6. Reduktoni kripën
Kripa është thelbësore për ekuilibrin e elektroliteve, por marrja e tepërt mund të shkaktojë mbajtjen e lëngjeve. Zgjidhni ushqime me pak kripë dhe zgjidhni erëza natyrale.
