Manchester United po përgatitet për një lëvizje në sulm dhe është gati të bëjë ofertë për Ollie Watkins, në rast se Joshua Zirkzee largohet nga “Old Trafford” këtë verë.
Sipas The Sun Football, sulmuesi i Aston Villës është shndërruar në një nga objektivat kryesorë të “Djajve të Kuq”, të cilët po planifikojnë ndryshime në repartin ofensiv.
Aston Villa raportohet se është e gatshme të shqyrtojë oferta në vlerën e rreth 42.5 milionë funteve për sulmuesin anglez.
Megjithatë, gjithçka varet nga e ardhmja e Zirkzees, pasi Manchester United do të lëvizë për Watkins vetëm nëse holandezi largohet nga klubi gjatë kësaj merkatoje.
