Larja e dhëmbëve dy herë në ditë për të paktën dy minuta nuk është thjesht një zakon higjiene – por mund të jetë një mburojë ndaj sëmundjeve të zemrës.
Një studim i ri i prezantuar në konferencën shkencore të Shoqatës Amerikane të Zemrës në Çikago analizoi 682 persona dhe zbuloi se ata që nuk i lanin dhëmbët rregullisht kishin 3 herë më shumë rrezik për probleme kardiovaskulare.
Kjo sepse bakteret nga pllaka dentare mund të hyjnë në gjak dhe të shkaktojnë inflamacion në arterie, duke çuar në sulme në zemër, goditje në tru dhe presion të lartë të gjakut.
Gjatë natës, kur prodhimi i pështymës bie, bakteret grumbullohen më lehtë – ndaj larja para gjumit është thelbësore!
Një tjetër studim në revistën Hypertension tregoi se sëmundjet e mishrave të dhëmbëve jo vetëm që përkeqësojnë tensionin e gjakut, por edhe zvogëlojnë efektin e ilaçeve kundër hipertensionit.
Kujdesi për shëndetin oral nuk është vetëm për buzëqeshjen – është edhe për zemrën tuaj!
/04 Online
