As dëmtimi nuk e ndal Luiza Gegën, që vendosi një kohë perfekte në Botërorin e Atletikës në Hungari dhe ia doli të kualifikohet për në finalen e disiplinës 3000 metra për femra.
Atletja shqiptare ishte e dëmtuar dhe në dyshim për pjesëmarrjen, teksa prej dy javës i ishte nënshtruar fizioterapisë intensive dhe rezultatet ishin perfekte.
Gega garoi në grupin e tretë dhe vendosi kohën 9:17:71, e treta më e mirë mes të gjithë garuesve, duke siguruar kështu edhe kualifikimin për në finale e garës 3000 metra me pengesa.
Në këtë disiplinë, Luiza Gega u shpall kampione Europe vitin e kaluar në Gjermani, teksa synimi është që të jetë në formën më të mirë për të vendosur një tjetër rekord kohe në Botërorin e Atletikës, pse jo për të sjellë edhe një tjetër medalje për Shqipërinë.
Finalja e disiplinës 3000 metra me pengesa në Botërorin e Atletikës në Hungari, do të zhvillohet mbrëmjen e 27 gushtit në Budapest, aty ku Luiza Gega shpreson të ketë arritur formën më të mirë fizike për një tjetër rezultat spektakolar.
