Cristiano Ronaldo ka zbuluar 11-shen e tij të preferuar të të gjithë kohërave, duke përfshirë lojtarët me të cilët ka luajtur gjatë karrierës – por në mënyrë befasuese, nuk ka pasur vend për Xabi Alonson, shkruan 04 Online.
Të dy luajtën së bashku në 208 ndeshje te Real Madridi, duke fituar trofe të shumtë përfshirë Ligën e Kampionëve dhe La Ligën. Megjithatë, Alonso nuk u përfshi në formacionin e Ronaldos të përzgjedhur për GOAL Arabia në vitin 2022.
Ronaldo zgjodhi Iker Casillas në portë, me mbrojtësit Sergio Ramos, Rio Ferdinand, Giorgio Chiellini dhe Marcelo. Në mesfushë vendosi Toni Kroos, Luka Modric dhe Paul Scholes, ndërsa Gareth Bale dhe Wayne Rooney zinin krahët. Në sulm, nuk kishte surpriza – Karim Benzema.
Pavarësisht mospërfshirjes, Alonso ka folur me respekt për Ronaldon, duke e cilësuar si “më të mirin” gjatë kohës që ishin te Real Madridi, dhe si lojtarin më ambicioz që ka njohur ndonjëherë.
Aktualisht trajner i suksesshëm te Bayer Leverkusen, Alonso vazhdon të admirohet për karrierën e tij si lojtar – edhe nëse nuk është në listën e preferuar të Ronaldos./04 Online
