Anemia është një gjendje që lidhet shpesh me mungesën e hekurit dhe mund të ndikojë në energjinë dhe funksionimin e përditshëm të organizmit. Përveç trajtimit të rekomanduar nga mjeku, ushqimi luan rol të rëndësishëm në menaxhimin e saj.
Personat me anemi këshillohen të konsumojnë më shumë ushqime të pasura me vitaminë C, pasi ndihmon në përthithjen e hekurit. Frutat si mandarinat, luleshtrydhet, fiqtë dhe shalqiri konsiderohen zgjedhje të mira për dietën e përditshme.
Po ashtu, spinaqi dhe perimet me gjethe jeshile rekomandohen shpesh për shkak të përmbajtjes së tyre ushqyese, ndërsa domatet dhe panxhari i kuq përdoren shpesh në regjimet ushqimore për personat me mungesë hekuri.
Ekspertët sugjerojnë gjithashtu kujdes me konsumimin e kafesë, çajit dhe kakaos menjëherë pas ushqimit, pasi mund të ndikojnë në përthithjen e disa lëndëve ushqyese.
Një regjim i balancuar ushqimor dhe konsultimi me profesionistë shëndetësorë mbeten mënyrat më të mira për trajtimin dhe kontrollin e anemisë./04 Online
