Skalpi ynë duhet të prodhojë një sasi të caktuar vaji për t’i mbajtur flokët e hidratuar dhe për t’i mbrojtur ato duke krijuar një pengesë të hollë midis tyre dhe mjedisit. Por sebumi i tepërt mund të shkaktojë shumë shqetësime, duke filluar nga mungesa e volumit, probleme me zbokthin, skalp i irrituar etj.
Për fat të mirë, nëse identifikoni shkakun e yndyrës së tepërt, mund ta merrni atë nën kontroll.
Ja disa prej 7 gabimeve më të zakonshme që mund të jeni duke bërë:
I lidhni flokët me llastik, shpesh dhe fortë
Çfarë duhet të bëni: Mos e teproni me produkte stilimi që kërkojnë shumë larje dhe prekje të flokëve tuaj.
Nuk i shpëlani flokët me ujë të ftohtë (ose të vakët)
Çfarë duhet të bëni: Më mirë të zgjidhni ujë të ngrohtë kur bëhet fjalë për shampo dhe kondicionerin dhe shpëlani flokët me ujë të ftohtë pasi të keni bërë larjen për të mbyllur kutikulat e flokëve.
Zgjidhni produktet e gabuara për llojin e flokut tuaj
Çfarë duhet të bëni: Ekspertët këshillojnë të shmangni produktet që janë të dizajnuara për flokë të thatë ose të dëmtuar. Ato zakonisht i mbulojnë flokët në një shtresë të hollë mbrojtëse që i bën flokët tuaj të duken më të yndyrshëm.
I krihni dhe i prekni shumë shpesh flokët tuaja
Çfarë duhet të bëni: Bëjeni zakon të mos i prekni flokët me duart tuaja, veçanërisht kur jeni nervoz ose gjatë një bisede. Mos i mbikrihni flokët tuaj. Ekspertët sugjerojnë që 2 herë në ditë mund të jenë të mjaftueshme dhe gjithmonë duke përdorur një furçë të pastër.
Jeni shumë të stresuar
Stresi e bën trupin tuaj të prodhojë më shumë kortizol. Ky hormon nxit lëkurën tuaj të prodhojë më shumë sebum dhe si rezultat duket dhe ndihet me më shumë vaj. Stresi gjithashtu mund të jetë një nga arsyet e zbokthit që mund të çojë në një kokë të yndyrshme.
Çfarë duhet të bëni: Ju nuk mund të bëni shumë nëse nuk ndryshoni stilin e jetës tuaj dhe nëse nuk përpiqeni të menaxhoni stresin. Përdorimi i produkteve të veçanta të flokëve do të ndihmojë në luftimin e zbokthit dhe yndyrës deri diku. Pjesa më e madhe ju mbetet juve në dorë.
I lani flokët shumë shpesh
Edhe pse mund të tingëllojë pak absurde, sa më shumë t’i lani flokët, aq më i yndyrshëm mund të bëhet. Një biolog i flokëve thotë se miliarda baktere të mira që promovojnë pH e shëndetshëm të lëkurës jetojnë në kokën tonë. Dhe kur i lani flokët shumë shpesh, mund ta shqetësojmë këtë ekuilibër delikat dhe të bëjmë që gjëndrat e sebumit të prodhojnë më shumë vaj, veçanërisht nëse përdorim produkte të gabuara të kujdesit për flokët.
Çfarë duhet të bëni: Përpiquni të ulni gradualisht numrin e rasteve kur lani flokët dhe përdorni shampo që nuk e thajnë skalpin e kokës.
Eshtë thjesht mënyra sesi trupi juaj funksionon
Disa lloje të flokëve janë thjesht më të prirur për t’u bërë me yndyrë më shpejt sesa të tjerat. Për shembull, njerëzit me flokë të drejtë kanë më shumë të ngjarë të vuajnë nga yndyrosja sesa njerëzit që kanë flokë me onde. Kjo ndodh sepse sebumi rrëshqet poshtë flokëve dhe është më i dukshëm në rrënjët e flokëve. Mbani mend se disa probleme shëndetësore si pabarazia hormonale dhe dermatiti seborrheik mund të shkaktojnë prodhim të tepërt të sebumit.
Çfarë duhet të bëni: Sigurohuni që të shkoni tek mjeku nëse diçka ju shqetëson ose nëse vëreni ndonjë ndryshim të pazakontë në mënyrën sesi ju duken flokët.
