Kryetari i Prizrenit, Mytaher Haskuka, ka lutur për mirëkuptim qytetarët dhe vozitësit për kujdes të shtuar, sepse gjatë këtyre netëve do të shihni dhe ndëgjoni këmbana të tufave të dhenve nëpër rrugët e qytetit tonë.
Madje Haskuka ka bërë me dije se të gjithë blegtorët, sipas nevojës, mund të kërkojnë asistencë edhe nga Policia e Kosovës përgjatë shtegtimit të tyre.
Postimi i plotë i Haskukës:
Njoftim për blegtorët e Komunës së Prizrenit
Po e lëmë pas një sezon dimëror, me përplot sfida për bujqit në përgjithësi dhe blegtorët tanë në veçanti.
Është pikërisht koha kur bagëtitë e regjionit të Prizrenit shtegtojnë drejt kullotave malore të bjeshkëve të Sharrit.
Si qytet specifik për kultivimin e dhentarisë, gjatë këtyre netëve do të shihni dhe ndëgjoni këmbana të tufave të dhenve nëpër rrugët e qytetit tonë.
Blegtorët tanë të vyeshëm, po i lënë shtëpitë dhe familjet e tyre për t’u kthyer sërish në vjeshtë. Andaj, i lus të gjithë qytetarët për mirëkuptim, dhe sidomos vozitësit për kujdes të shtuar.
Të gjithë blegtorët, sipas nevojës, mund të kërkojnë asistencë edhe nga Policia e Kosovës përgjatë shtegtimit të tyre.
Ju priftë e mbara!
![Fotografia e Mytaher Haskuka](https://scontent.fprn3-1.fna.fbcdn.net/v/t1.0-9/p720x720/95404091_938391769965667_1181709695434358784_o.jpg?_nc_cat=100&_nc_sid=8024bb&_nc_ohc=A_RYze2M6PQAX8gkOW-&_nc_ht=scontent.fprn3-1.fna&_nc_tp=6&oh=e6ad4f50b0301e16ac352694adcd165e&oe=5ED19FDA)
![Fotografia e Mytaher Haskuka](https://scontent.fprn3-1.fna.fbcdn.net/v/t1.0-9/s960x960/95749217_938391783298999_4625273843252985856_o.jpg?_nc_cat=102&_nc_sid=8024bb&_nc_ohc=3aB8z-OdwhgAX_-zXP5&_nc_ht=scontent.fprn3-1.fna&_nc_tp=7&oh=f8f4cbf3b52ea2c74b7f186de43e5ce0&oe=5ED4B0F6)