A doni të qëndroni gjithë ditën të lumtur? Fillon me zgjimin e duhur. Në vend që të çoheni nga krevati me tringëllimën e alarmit, merrni pak kohë për veten ndërkohë që jeni ende në shtrat. Kur kujdeseni për veten, edhe trupi edhe mendja, përcaktojnë humorin e të gjithë ditës nё vazhdim.
Fillojeni mirë ditën me këto 5 gjëra që bëjnë njerëzit e lumtur çdo mëngjes para se ngrihen nga shtrati.
1. Pini ujë
A e dini se kur zgjohemi një mëngjes shumë prej nesh vuajnë disa nga simptomat e hershme të dehidratimit si letargjia, paaftësia për t’u përqëndruar dhe fillimi i dhimbjes së kokës? E para gjë që duhet të bësh kur zgjohesh është të pish ujë! Mbajeni një shishe ujë afër për ta arritur lehtë.
2. Reflektoni
Reflektoni mbi gjërat që ndodhën dje dhe me të cilat ishin apo nuk ishit të lumtur. Për ato gjëra që nuk shkuan aq mirë, mendoni për disa mënyra me të cilat mund të shmangni t’i përsërisni, mendoni për një plan A dhe një plan B, për siguri. Shkoni një hap më tutje dhe faleni veten për çdo gabim që keni bërë, por jepini vetes një lavdërim për ato gjëra që bëtë mirë.
3. Falenderoni
Pas kësaj, mendo për ato gjëra për të cilat jeni mirënjohës në jetë, ndonjëherë problemet tona mund të duken më të mëdhaja se vetë jeta dhe mbytëse, por duke falenderuar, edhe për gjërat e vogla, është një mënyrë e thjeshtë për t’i parë gjërat në perspektivë dhe pёr tё krijuar një lumturi të brendshme më të madhe.
4. Praktiko frymëmarrje-frymënxjerrje
Tani që pitë ujë, reflektuat dhe menduat se sa mirënjohës jeni, merrni frymë dhe nxirreni atë, bëjeni këtë proces për disa minuta, një seksion mini-meditimi për të qartësuar mendjen dhe për të oksigjenuar trurin tuaj. Praktikimi i kësaj çdo mëngjes para se të dilni nga shtrati është një lehtësues tensioni dhe ndihmon në kthjellim, çlirimin e dhimbjeve dhe madje edhe forcimin e sistemit imunitar.
5. Bëni “stretching” dhe buzëqeshni
Dhe në fund, tendoseni trupin tuaj nga maja e kokës deri në fund të këmbëve, duke ngushtuar dhe relaksuar çdo muskul në trupin tuaj. Pas të gjithave, buzëqeshja rrit çlirimin e lëndëve kimike nё trurin tuaj përgjegjëse për ndjesinë e lumturisë, që në fakt ju bëjnë të lumtur. Pas një tendosje të mirë të trupit dhe një buzëqeshje të madhe, ju ndiheni sikur mund të keni çdo gjë.
Jepini vetes mundësi të aplikoni këto 5 gjëra dhe do të ndiheni gati për një ditë të lumtur, produktive dhe të shkëlqyer.
