Në rrjetet sociale qarkullojnë vazhdimisht këshilla për ushqimet që supozohet se mund të rrisin shanset për shtatzëni gjatë fertilizimit in vitro, IVF.
Domatet përmenden shpesh si “superushqim” për fertilitetin, ndërsa lëngu i shegës dhe pjesa e fortë e ananasit promovohen për efektet e pretenduara në qarkullimin e gjakut dhe inflamacionin.
Por një nga trendet më të pazakonta të viteve të fundit lidhet me patatet e skuqura të McDonald’s.
Në TikTok, shumë gra publikojnë video menjëherë pas transferimit të embrionit, duke ngrënë patate të skuqura së bashku me partnerët e tyre me shpresën se kjo do ta ndihmojë embrionin të “ngjitet”.
Ekspertët, megjithatë, thonë se nuk ka prova shkencore që e mbështesin këtë teori.
Pretendimi: Kripa ndihmon implantimin
Disa përdorues të rrjeteve sociale pretendojnë se përmbajtja e lartë e kripës në patatet e skuqura mund ta ndihmojë embrionin të fiksohet në mukozën e mitrës.
