Edhe pse sezoni garues ka përfunduar, ekipi prizrenas në Superligën e Kosovës në basketbollin e femrave, KB “Junior 06”, nuk po humb kohë për përgatitjet e edicionit të ri. Klubi ka njoftuar se ka arritur marrëveshje me dy basketbolliste amerikane të nivelit të lartë, të cilat pritet të jenë përforcim kyç për synimet e ekipit në kampionatin që vjen, shkruan 04 Online.
Me këtë hap, “Junior 06” tregon ambicie të qarta për të qenë më konkurrues dhe për të luftuar për pozita të larta në tabelë. Përforcimet priten të sjellin risi në lojë dhe të rrisin cilësinë e skuadrës, e cila ka treguar progres të vazhdueshëm në vitet e fundit.
Zyrtarizimi i lojtareve dhe prezantimi i tyre para tifozëve do të bëhet në ditët në vijim.
Përmes një njoftimi zyrtar, klubi ka bërë të ditur se ka nënshkruar me basketbollisten amerikane Shaniya Jones, një roje e talentuar që vjen me përvojë të madhe nga ligat evropiane dhe afrikane.
“Jemi të ngazëllyer të njoftojmë shtimin e Shaniya Jones për sezonin e ardhshëm ❤️🤍. Shaniya është një roje e talentuar e kombinatit që udhëhoqi Premier Ligën kroate në shënimin e dy viteve më parë. Ajo na bashkohet nga Al Gezira (Egjipt) dhe sjell përvojën dhe fuqinë e pikës në kurrizin tonë,” thuhet në njoftimin e klubit.
Pas rojes së talentuar Shaniya Jones, klubi ka njoftuar edhe ardhjen e Lauren Carter, një përpara e gjithanshme me potencial të lartë.
“Jemi të ngazëllyer të njoftojmë shtimin e përpara amerikane Lauren Carter për sezonin e ardhshëm ❤️🤍. Lauren u diplomua nga Appalachian State University (NCAA1), dhe ky do të jetë sezoni i saj i parë duke luajtur jashtë. Ajo është një përpara e gjithanshme që sjell energji dhe fleksibilitet në dysheme,” thuhet në njoftimin e klubit.
Me këto dy përforcime amerikane, KB “Junior 06” e konfirmon qartë synimin për të ndërtuar një ekip konkurrues dhe të gatshëm për sfida të mëdha në edicionin e ri garues./04 Online
