Presidentja e Kosovës, Vjosa Osmani, ka reaguar në rrjetin social “X” për dy kosovarët, Andrin Vuthaj dhe Vesa Ibrahimi, që kanë diplomuar në akademinë ushtarake amerikane West Point, si një prej akademive më prestigjioze në botë, raporton Gazeta Sinjali.
Osmani ka thënë se përkushtimi dhe puna e dy kosovarëve kanë dhënë rezultat dhe se Kosova është krenare për ta.
Presidentja ka theksuar dhe faktin që presidenti i SHBA-ve, Joe Biden, ka qenë prezent për të uruar të diplomuarit, përfshirë edhe Andrinin dhe Vesën, të cilët ajo thekson se do të kthehen në Forcën e Sigurisë së Kosovës për të shërbyer dhe për ta mbrojtur Kosovën.
“Ja si duket ekselenca!”, ka shkruar mes tjerash Osmani.
