Julian Alvarez është rikthyer në stërvitje me pjesën tjetër të skuadrës së Atletico Madridit, pas ditëve të tensionuara rreth të ardhmes së tij.
Sulmuesi argjentinas ka qenë në radarët e Barcelonës dhe Arsenalit, por mundësia e një largimi nga Madridi duket se po zbehet. Atletico Madridi ka insistuar se nuk dëshiron ta shesë lojtarin, ndërsa vetë Alvarez preferonte Barcelonën si destinacion, shkruan 04 Online.
Në orët e fundit, skenari i qëndrimit te Atletico ka fituar terren. Kuotat e Bet365 e favorizojnë ndjeshëm vazhdimin e tij në Madrid, me 1.22, ndërsa kalimi te Arsenali kuotohet me 4.50.
Drejtori sportiv i Atletico Madridit ka konfirmuar gjithashtu rikthimin e Alvarezit në stërvitje: “Julian është stërvitur me ne dhe presim që të jetë i gatshëm për ndeshjen e ardhshme të kampionatit.”
Kështu, gjithçka tregon se Alvarez mund të vazhdojë edhe sezonin e ardhshëm nën drejtimin e Diego Simeones./04 Online/
