Refluksi i ezofagut, i njohur edhe si refluksi gastroezofageal, shfaqet kur përmbajtja acidike e stomakut kthehet drejt ezofagut dhe mund të shkaktojë urth, djegie në gjoks, shije të thartë në gojë dhe parehati pas ushqimit.
Disa ndryshime të thjeshta në mënyrën e jetesës mund të ndihmojnë në lehtësimin e simptomave:
Hani vakte më të vogla, por më të shpeshta, dhe shmangni ngrënien e tepërt.
Mos u shtrini menjëherë pas ushqimit. Është mirë të prisni të paktën 2–3 orë para se të shkoni në shtrat.
Identifikoni ushqimet që ju shkaktojnë simptomat. Te disa persona refluksi përkeqësohet nga ushqimet pikante ose me shumë yndyrë, çokollata, kafeja, alkooli dhe domatet.
Ngrini pjesën e sipërme të krevatit nëse simptomat shfaqen kryesisht gjatë natës.
Shmangni rrobat shumë të ngushta rreth barkut, pasi mund të rrisin presionin mbi stomak.
Nëse jeni mbipeshë, humbja graduale e peshës mund të ndihmojë në reduktimin e simptomave të refluksit.
Shmangni duhanin, pasi ai mund të ndikojë në mekanizmat që parandalojnë kthimin e acidit në ezofag.
Nëse urthi shfaqet shpesh, zgjat për një kohë të gjatë ose nuk përmirësohet me këto ndryshime, duhet të konsultoheni me mjekun. Simptoma të tilla si vështirësi në gëlltitje, të vjella të vazhdueshme, humbje e pashpjegueshme në peshë, gjakderdhje ose dhimbje e fortë në gjoks kërkojnë vlerësim mjekësor.
Refluksi është i zakonshëm, por simptomat e shpeshta nuk duhet të neglizhohen, pasi trajtimi i përshtatshëm mund të parandalojë komplikimet./04 Online/
