Industria e akulloreve do të pësojë një ndryshim rrënjësor. Shkencëtarët e West Pomeranian University of Technology në Poloni kanë arritur të shndërrojnë qumështin e pelës në kos dhe akullore probiotike.
Qasja e re është një metodë për të krijuar alternativa më të shëndetshme dhe të ushqyeshme ëmbëlsirash të ngrira.
Rezulton se qumështi i pelës ështtë një superushqim. Përbërja e tij është e ngjashme me qumështin e njeriut, çka e bën më të lehtë për t’u tretur dhe përthithur. Ka më pak yndyrë se qumështi i lopës por është i pasur me vitamina, minerale dhe lëndë ushqyese që ndihmojnë sistemin imunitar dhe shëndetin e zorrëve. Kjo tregon se qumështi i pelës mund të jetë një kandidat shumë i mirë për ushqime që jo vetëm kanë shije të mirë, por kanë edhe përfitime për organizmin.
Ekspertët nuk provuan të bënin vetëm akullore. Ata prodhuan edhe kos të ngrirë dhe akullore sinbiotike. Kosi i ngrirë është një akullore që përmban bakteret e mira të kosit (probiotikë). Akullorja sinbiotike i kombinon këto të fundit me fibrat që i ushqejnë (prebiotëikët).
Probiotikët janë bakteret që përmirësojnë tretjen, forcojnë imunitetin dhe ndikojnë gjendjen emocionale. Duke përdorur një ushqim si akullorja që e duan të gjithë, shkencëtarët sjellin një opsion që kënaq shqisat tona dhe përmbush nevojat e trupit.
Shkencëtarët testuan katër lloje akulloresh të prodhuara me qumështin e pelëës. Rezultatet ishin premtuese. Jo vetëm që ruajtën një nivel të mirë proteinash, yndyre dhe lëndësh ushqyese, por kishin edhe shije të mirë. Akulloret ishin kremoze dhe me një shije të lehtë e të këndshme që u pëlqye nga pjesëmarrësit.
