E ardhmja e Edon Zhegrovës te Juventusi mbetet e pasigurt, pasi reprezentuesi i Kosovës nuk po gjen hapësirën e dëshiruar në skuadrën italiane.
Zhegrova u aktivizua vetëm 20 minuta ndaj Frosinones, ndërsa ndaj Parmës mungoi për shkak të një problemi fizik, shkruan 04 Online.
Sipas mediave italiane, Al-Ittihad ka shfaqur interesim për futbollistin, ndërsa Zhegrova thuhet se është i hapur për një transferim në Arabinë Saudite. Juventusi kërkon të paktën 15 milionë euro për kartonin e tij.
Në garë raportohet se është edhe Lazio, e cila synon ta marrë kosovarin në formë huazimi./04 Online/
