Karim Benzema ka zbuluar se ish-shoku i skuadrës Cristiano Ronaldo nuk e ka uruar për Topin e Artë.
Benzema e fitoi Topin e Artë, pas një sezoni brilant me Real Madridin, duke e ndihmuar ta fitojë La Ligan dhe Ligën e Kampionëve.
Ai shënoi 44 gola të jashtëzakonshëm në 46 ndeshje në të gjitha garat, transmeton Klankosova.tv.
34-vjeçari mori një njohje të gjerë, me Zinedine Zidane që e quajti atë ‘sulmuesin më të mirë në historinë e futbollit francez’.
Por, ish-kolegu i Benzemës, Ronaldo, ende nuk e ka uruar për triumfin e tij individual.
I pyetur nëse pesë herë fituesi i Topit të Artë e kishte uruar për fitimin e çmimit prestigjioz, francezi u përgjigj: “Jo, jo ende”.
Benzema dhe Ronaldo shijuan një periudhë fantastike nëntëvjeçare, të mbushur me trofe së bashku si partnerë sulmues te Reali.
Por gati një muaj pas fitimit të çmimit të Topit të Artë, lojtari i Manchester United çuditërisht nuk ka kontaktuar me shokun e tij të vjetër të skuadrës.
Ndërkohë, Benzema do ta kthejë vëmendjen e tij në Kupën e Botës, ndërsa Franca kërkon të mbrojë titullin e saj në Katar.
