Barcelona ka zyrtarizuar transferimin e Gabriel Jesusit nga Arsenali. Sulmuesi brazilian i bashkohet klubit katalanas në një operacion prej 15 milionë eurosh.
Jesus ka nënshkruar kontratë me Barcelonën deri në vitin 2029, duke u bërë përforcimi i ri i repartit ofensiv.
Klubi katalanas e konfirmoi marrëveshjen përmes një njoftimi zyrtar: “Arsenali dhe Barcelona kanë arritur marrëveshje për transferimin e Gabriel Jesus te blaugranët. Sulmuesi brazilian do të firmosë një kontratë trevjeçare me klubin katalanas”.
29-vjeçari, i cili më parë ka luajtur edhe te Manchester City, rikthehet kështu në La Liga pas një aventure në Premier League.
Transferimi i Jesusit vjen pasi Barcelona nuk arriti ta finalizojë marrëveshjen për Julián Alvarezin, duke zgjedhur brazilianin si alternativë për përforcimin e sulmit./04 Online/
