Sot mbi vendin tonë do të mbajë mot me diell dhe vranësira të shpërndara, ndërsa gjatë orëve të pasdites pritet ndryshim i kushteve atmosferike.
Sipas parashikimeve meteorologjike, një front i ftohtë do të kalojë nga veriu drejt jugut, duke sjellë shtim të ndjeshëm të vranësirave dhe reshje shiu në të gjithë territorin. Në disa zona, reshjet mund të marrin formën e rrebeshesh afatshkurtra, të shoqëruara me intensitet më të lartë për periudha të shkurtra kohore.
Era do të fryjë nga drejtime të ndryshme, herë pas here mjaft e fuqishme, me shpejtësi që do të arrijë nga 17 deri në 54 km/h, çka mund të krijojë kushte të paqëndrueshme në zona të caktuara.
Temperaturat minimale do të lëvizin nga 0 deri në 3°C, ndërsa maksimalet nga 12 deri në 15°C. Megjithatë, me depërtimin e frontit të ftohtë gjatë pasdites, pritet rënie e shpejtë e temperaturave, duke sjellë ndjesi më të theksuar të freskët në mbrëmje./04 Online
