Julian Alvarez i ka dhënë përgjigje negative Mikel Artetës për një transferim te Arsenali, duke e bërë gjithnjë e më të vështirë një marrëveshje gjatë kësaj vere.
Sipas David Ornstein të “The Athletic”, Alvarez ka biseduar me Artetën dhe i ka bërë të ditur se nuk dëshiron t’i bashkohet Arsenalit në këtë moment.
“Arsenali është i gatshëm të arrijë një marrëveshje klub më klub, por do të dëshironte që lojtari të dëshironte t’u bashkohej atyre. Alvarez nuk ka dhënë asnjë sinjal se dëshiron të bashkohet me ta në këtë moment”, deklaroi Ornstein.
Ndërkohë, Atletico Madridi i ka vendosur sulmuesit një afat deri të dielën, 30 gusht, për të vendosur përfundimisht të ardhmen e tij, shkruan 04 Online.
Alvarez, i cili ka kontratë me Atleticon deri në vitin 2030, ka qenë gjithashtu në radarin e Barcelonës dhe ish-klubit të tij Manchester City.
Megjithatë, drejtuesit e Atleticos kanë bërë të qartë se nuk do të negociojnë me Barcelonën, ndërsa trajneri Diego Simeone dëshiron ta mbajë argjentinasin në skuadër./04 Online/
