Ekspozoi kallashin, Policia arreston 38-vjeçarin në Suharekë

0
100

Policia e ka arrestuar sot një 38-vjeçar me inicialet R.K, në fshatin Vraniq të Suharekës, pasi i njëjti e ka ekspozuar armën. Hetuesit policorë, pas ekzaminimit të telefonit të dyshuarit, kanë gjetur videon ku ai shihet duke e ekspozuar një AK-47, shkruan Express.

Në njoftimin e Policisë, thuhet se në cilësinë e provave, kanë sekuestruar: një AK-47 dhe një karikator me 13 copë fishekë të kalibrit 7.62 mm.

Ai është intervistuar nga zyrtarët policorë, ndërsa për rastin është njoftuar edhe prokurori kujdestar për krime të rënda.

Ndaj 38-vjeçarit është iniciuar rasti “Mbajtje në pronësi, kontroll, posedim apo shfrytëzim i paautorizuar i armës” dhe “Përdorim i armës”. /GazetaExpress/

Leave a Reply