Shkollat e Suharekës kanë ndërmarrë masa, pas rritjes së rasteve me Covid-19 në Kosovë.
Në shkollat fillore të kësaj komune janë testuar nxënësit me teste rapide për covid.
Kujtojmë se ministrja e Arsimit, Shkencës, Teknologjisë dhe Inovacionit, Arbërie Nagavci, ka kërkuar nga drejtorët e Drejtorive Komunale të Arsimit që të përcjellin me kujdes situatën me pandeminë në komunat e tyre, respektivisht në shkolla, dhe të marrin vendime bazuar në gjendjen epidemiologjike në baza ditore.
Ajo ritheksoi edhe një herë që “duhet të bëhet përpjekje maksimale që shkollat t’i mbajmë të hapura”, ndërsa shtoi se, vaksinimi krijon parakushtet për zhvillim të suksesshëm të procesit mësimor.
Vlen të theksohet se nga raporti i fundit i IKSHPK-së janë treguar afro 3 mijë të infektuar me Covid brenda 24 orëve.
