Thiago Alcantara do të largohet nga Liverpooli. Mesfushori spanjoll vendosi të linte Bayern Munich gjatë shtatorit të vitit 2020 për të vijuar karrierën në “Anfield”.
Por, të pakta janë gjërat e bukura të aventurës së tij angleze, e shoqëruar me dëmtime dhe probleme të shumta fizike. Që nuk i mundësuan ta shijonte në maksimum periudhën te Liverpooli.
Kontrata i përfundon në muajin qershor dhe 33-vjeçari do të largohet nga ishulli si futbollist i lirë. E ardhmja e tij quhet Spanja, aty ku e kërkojnë Girona dhe Real Betis. Por edhe në Premier ka disa klube që e pëlqejnë.
Nga Liverpooli do të largohet edhe Joel Matip. 32-vjeçari kamerunas i lindur në Gjermani, del futbollist i lirë në fundin e sezonit.
Gjatë 8 viteve me skuadrën e Jurgen Klopp, qendërmbrojtësi fitoi titullin, Championsin, FA Cup, EFL Cup dhe Superkupat e Anglisë e Europës.
Në faqen zyrtare The Reds falënderojnë dy futbollistët për kontributin e dhënë për Liverpoolin, duke iu uruar në të njëjtën kohë fat gjatë së ardhmes./SS
