Ja kur mund të bëjnë më shumë dëm sesa mirë.
Kajsitë përmbajnë një sasi të madhe antioksidantësh që janë kyç për forcimin e imunitetit dhe reduktimin e stresit oksidativ – e gjithë kjo ndikon në aftësinë më të lartë të trupit për t’u mbrojtur më mirë nga infeksionet, inflamacionet, por edhe nga sëmundjet më të rënda.
Janë jashtëzakonisht ushqyese dhe, përveçse përmirësojnë tretjen, janë shumë të dobishme për sytë tanë.
Ato përmbajnë një sasi të madhe të vitaminave dhe mineraleve dhe, në të njëjtën kohë, kanë jashtëzakonisht pak kalori, transmeton Telegrafi.
Dy kajsi të freskëta (70 gramë) përmbajnë: shumë pak kalori (vetëm 34 për qind), vetëm 34, 8 gramë karbohidrate, 1 gram proteina, shumë pak yndyrë, 4 për qind kalium, pak fibra, por edhe vitamina A, C dhe E.
Përveç kësaj, përmbajnë beta karoten, luteinë dhe zeaksantinë, antioksidantë të fuqishëm që ndihmojnë në luftimin e radikaleve të lira dhe reduktojnë stresin oksidativ.
Gjithashtu, nuk është e papërfillshme sasia e fibrave tek kajsitë, të cilat kanë një efekt të dobishëm në zorrët dhe në të gjithë sistemin tretës.
Më së miri është t’i hamë të plota dhe të pa qëruara, por paraprakisht duhet të lahen mirë. Rekomandimi i nutricionistëve është që të jemi sa më shpesh në tryezën tonë, por ka një përjashtim.
Kujdes – kajsitë kanë një përmbajtje të lartë kaliumi
Kajsitë janë të pasura me kalium, një mineral që shërben edhe si elektrolit. Në trupin tuaj, ai është përgjegjës për dërgimin e sinjaleve nervore dhe rregullimin e kontraktimeve të muskujve dhe ekuilibrit të lëngjeve (24, 25). Dy kajsi (70 gramë) ofrojnë 181 mg të këtij minerali, që është 4% e nevojave ditore. Për shkak se kaliumi punon ngushtë me natriumin për të ruajtur ekuilibrin e lëngjeve, marrja e duhur mund të ndihmojë në parandalimin e fryrjes dhe ruajtjen e presionit të gjakut të shëndetshëm (24).
Një analizë e 33 studimeve zbuloi se një dietë e pasur me kalium ul ndjeshëm presionin e gjakut dhe rezultoi në një rrezik 24 për qind më të ulët të goditjes në tru (26).
Megjithatë, është e rëndësishme të theksohet se personat që kanë probleme kardiovaskulare ose veshkash nuk duhet të hanë shumë nga ky frut dhe do të ishte mirë që t’i shmangnin plotësisht. Sidomos nëse janë në terapi të rregullt.
