Prizreni ka dhënë një mbështetje të fuqishme për Zafir Berishën dhe platformën “Kosova Fituese” në kuadër të zgjedhjeve të 9 shkurtit.
Në një tubim masiv, Berisha theksoi se qyteti i krenarisë shqiptare ka vendosur të mbështesë liderët e veprave të mëdha, Ramush Haradinaj dhe Fatmir Limaj, duke reaguar ndaj atyre që ofendojnë dhe tallin vendin.
Ai e quajti këtë një përgjigje të fuqishme që do të reflektohet në votat e 9 shkurtit.
Postimi i plotë:
Mbështetja masovike sot në Prizren për Kosovën Fituese 137, është dëshmija më e mirë se nga 9 shkurti Kosova do të ndryshoj për të mirë!
Prizreni qyteti i krenarisë shqiptare sot vedosi të rreshtohet me njerzit e veprave të mëdha siç jan Ramush Haradinaj dhe Fatmir Limaj.
Prizreni vërtet është qyteti i i kulturës, tolerancës dhe bashkëjetesës në mes nacionaliteteve, por ky qytet nuk duron ofendimet dhe talljet që i bëhet nga ai që jeton me qiraxha në vendin tonë, dhe për këtë ka vendosur me i dhën përgjigjen me 9 shkurt!
