Çka ndikoi në rritjen e rasteve me Covid në Kosovë? Flet infektologu

0
284

Ditëve të fundit numri i rasteve të reja me COVID-19 është rritur dukshëm.

Kjo sipas infektologut, Ilir Tolaj, ka ardhur si pasojë e përhapjes së variantit të ri Omicron.

“Rritja e rasteve të reja është rezultat i përhapjes së variantit Omikron edhe tek ne. Kjo ka qenë e pritur duke e marrë parasysh situatën epidemiologjike te vendeve përrreth dhe në mbarë Evropën”, deklaroi Tolaj për “Front Online”.

Krahas kësaj, ai përmend edhe një faktor tjetër.

“Deri tash, pavarësisht se masat janë në fuqi, një gjë e tillë në praktikë nuk është respektuar dhe nuk po respektohet sa e si duhet”, tha Tolaj.

Duke parë shtimin e infektimeve, ky i bën apel Qeverisë të ndërhyjë me masa.

“Çfarëdo aktiviteti i cili garanton grumbullimin e shumë njerëzve në ambiente të mbyllura për një kohë të gjatë është kontribuues në masën më të madhe në përhapjen e shpjete të infeksionit. Në këtë aspekt, masat që duhet ndërmarrën nga autoritetet shëndetësore dhe Qeveritare janë ato që kufizojnë grumbullimin e njerëzve nëpër ambiente të këtilla”, u shpreh ai për “Front Online”.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon në total numri i rasteve aktive me coronavirus është 2,417.

Leave a Reply