Policia e Kosovës ka njoftuar se është arrestuar një 19 vjeçar në Prizren, i cili ishte në kërkim për veprën penale “Vjedhje e rëndë”.
Policia bën të ditur se familjarët e të dyshuarit kanë informuar se ai është në shtëpi dhe se do ta dorëzojnë në polici, transmeton Telegrafi.
I dyshuari është dërguar në burg ku do ta vuajë dënimin për 1 vit e 15 ditë.
“Më datë 12/06/2023 rreth orës 00:15, është arrestuar i dyshuari Sh/K i cili kishte qenë në kërkim policor për veprën vjedhje e rëndë. I kërkuari E. A. 19 vjeç nga Prizreni ka qenë në kërkim policor në bazë të urdhër arresteve të lëshuara nga Gjykata Themelore në Prizren. Më datën dhe kohën e lartshënuar familjarët kanë informuar se i kërkuari është në shtëpi dhe se do ta dorëzojnë në polici. Patrullat policore nga Njësiti Reagues Kujdestar është përgjigjur thirrjes dhe e kanë arrestuar personin e kërkuar, i cili fillimisht është dërguar në Stacionin Policor në Prizren, më pas i njëjti dërgohet në Emergjencën e Spitalit të Prizrenit për kontroll mjekësor”, ka njoftuar Policia.
Tutje, në njoftim thuhet se, pasi që janë përfunduar proceduarat ligjore i arrestuari është dërguar në burgun e Prishtinës në vuajtje të dënimit me burg efektiv. /Telegrafi/
