Dimrin e ardhshëm do të jetë e vështirë t’i rezistoni ngjyrës së patëllxhanit. Markat e njohura të modës si Gucci, Fendi apo Prada e kanë pasur një nga nuancat kryesore në pasarelat e Javës së Modës në Milano.
Avantazhi i vërtetë i kësaj nuance është sepse i përshtatet praktikisht të gjithëve, është e errët dhe perfekte për stinën e ftohtë. Fendi na tregoi se është e lehtë për t’u veshur totalisht në nuancat e vishnjës gjatë ditës dhe të dukesh super “cool”. Ndërsa në mbrëmje është elegante dhe “chic” sidomos kur bëhet fjalë për fustanet e gjata kadife si ai parë në koleksionet e Gucci-t. Versioni transparent i Tom Ford gjithashtu është super seksi me çantën dhe sandalet në ngjyrë patëllxhan.
Nga pasarelat e vjeshtë- dimër 2024-2025 veç zbulimit të ngjyrës që do të pushtojë rrugët dhe eventet e ardhshme, na kanë treguar edhe kombinime se me cilën ngjyrë përshtatet më mirë. E me cilën tjetër përveçse me të zezën?!
