Lideri i AAK-së, Ramush Haradinaj ka reaguar ndaj kryeministrit Kurti për kërcënimet ndaj sindikatave, për shkak të grevave të tyre, raporton Gazeta Blic.
Përmes një postimi në Facebook, ai i ka bërë thirrje që të ndalet, ose do ta ndalin, derisa i ka thënë se është duke e shkatërruar shtetin.
Ai i ka bërë thirrje që të heqë dorë nga kjo mënyrë e qeverisjes dhe t’i kthehet popullit, ose do të përfundojë me turp.
Postimi i tij i plotë:
Ndalu sa s’të kanë ndalë o Albin Kurti
Ku je tuj dashtë me e çu këtë vend o Albin Kurti?! A je tu e pa që je duke e shkatërru me themel!?
Me çfarë të drejte ju ndalë pagat personelit arsimor? Me cilin ligj a me cilën kushtetutë? Kush janë ata sejmenë trima që i kërcënojnë e i shantazhojnë mësuesit!
Kush ta ka dhanë atë të drejtë që në pikë të verës me e lanë popullin në terr! Pse e ke pengu ndërtimin e Kosovës së Re? Pse nuk i ke hapë rrugë gazit për energji?
Pse po i mbanë paret e popullit në arkën e shtetit e nuk po i rrit rrogat. A ta ka thanë dikush se njerëzit kanë fillu të vuajnë edhe për bukë?
Ky vend nuk është pronë e jotja. Ti ke marrë votë me qeverisë vendin e jo me shkatërru atë.
Hiq dorë nga kjo mënyrë e qeverisjes sa nuk është bërë vonë. Ktheju popullit, sepse po t’u kthy ai ty, do të përfundosh me turp. Ndalu vet e mos lejo të të ndalin!
