Policia e Kosovës ka publikuar raportin 24-orësh, ku gjatë ditës së kaluar janë regjistruar disa aksidente në trafikun rrugor dhe veprime të tjera ligjore, shkruan 04 Online.
Sipas të dhënave, një aksident ka përfunduar me fatalitet, ndërsa 24 persona kanë mbetur të lënduar si pasojë e aksidenteve të ndryshme. Gjithashtu, janë raportuar 43 aksidente me dëme materiale.
Në kuadër të masave për sigurinë rrugore, policia ka shqiptuar gjithsej 2,267 tiketa trafiku.
Po ashtu, gjatë kësaj periudhe 24 persona janë arrestuar, 19 janë dërguar në mbajtje, ndërsa 1 person ka filluar vuajtjen e dënimit./04 Online
