Trajneri i Real Madridit, Carlo Ancelotti, ka konfirmuar se Kylian Mbappé dhe Ferland Mendy nuk do të jenë të gatshëm për ndeshjen e së mërkurës ndaj Getafes. Të dy po punojnë për t’u rikuperuar në kohë për finalen e Copa del Rey ndaj Barcelonës këtë të shtunë në Sevilje, shkruan 04 Online.
Mbappé vuan nga një tërheqje në kyçin e këmbës, ndërsa Mendy është jashtë fushave prej një muaji për shkak të një lëndimi në kofshë. Të dy janë stërvitur me grupin, por ende nuk janë në gjendje për të luajtur.
Ancelotti la të hapur dilemën për mbrojtësin e majtë, me Fran Garcia, Alaba dhe Camavinga që garojnë për një vend në formacion për finalen./04 Online
