Profesori universitar Milazim Krasniqi, ka vlerësuar se pas dështimit të procesit të votimit në katër komunat veriore me shumicë serbe për largimin ose jo të kryetarëve, Kosovës do t’i shtohet presioni nga ndërkombëtaret për themelimin e Asociacionit, raporton Ekonomia Online.
Kjo pasi sipas tij, formimi i Asociacionit të komunave me shumicë serbe nga ndërkombëtaret do të shihet e vetmja formë për ti ri-integruar serbet në institucione kosovare.
Krasniqi ka thënë se organizimi i procesit të votimit përmes udhëzimit administrative ka qenë gabime, kjo pasi sipas tij, është ditur që Serbia do të ketë ndikim në këto zgjedhje.
“Mendoj që gabimi i parë ka qenë mbajtja e zgjedhjeve në veri pa u siguruar pjesëmarrja e serbëve sepse ashtu atje janë krijuar, janë zgjedhur kryetarët në mënyrë jo legjitime, njerëz me nga dy-tre për qind të votave dhe as kush me mend me krye nuk mund të arsyetoj që në një shtet demokratik të ketë kryetra që janë zgjedhur me tre ose dy për qind të votave. Në anën tjetër ishte gabim po ashtu ai inaugurimi me pompozitet i atyre kryetareve gjë që pastaj esklaoj me dhunë edhe me probleme te tjera dhe kjo pastaj u shndërrua ne handikap për Kosovën dhe për institucionet tona. E treta gabim po ashtu ishte organizimi i urdhëresës administrative për këtë lloj referendumi, sepse qysh për para është ditur që Serbia duhet ta luaj lojën e vetë. Do të thotë do të bëjë organizimin e atillë që vetëm do ta paraqet Kosovën si vend në të cilin në fakt qeveria e Kosovës nuk ka kontroll mbi veriun, gjë që fatkeqësisht u legjitimua dje”.
“Këto zgjedhje janë produkt i mendjelehtësisë së qeverisë, i lehtësisë së papërballueshme me të cilën ata janë qas problemit të veriut që shumë ma kompleks dhe shumë ma problematik. Dhe tani jemi në një situatë që me siguri pas kësaj është vërtetu që qeveria nuk ka kurrfarë pushteti politik atje. Do të rritet edhe më shumë presioni ndërkombëtarë për themelimin e Asociacionit si e vetmja mënyrë për ti ri-integruar serbet në institucione”, ka thënë ai.
Kransiqi ka thënë se me procesin e votimit ka vërtetuar se qeveria nuk e ka nënë kontroll veriun, kjo pasi, në shkolla të veriut nuk u lejua nga serbet që të mbahet procesi i votimit.
“Këto lojërat e Qeverisë me propagandë janë për ne që nuk e kuptojmë politiken dhe nuk e kuptojmë realitetin. E vërteta është që në veri nuk ka zgjidhje policore, atje mund të ketë vetëm zgjidhje politike që duhet të bëhet me një proces politik të negociuar dhe të ndërmjetësuar nga BE-ja dhe ShBA-ja. Prandaj kjo se gjoja ne e kontrollojmë veriun u pa sa e kontrollojmë ne veriun. Për shembull qeveria e Kosovës nuk ka arritur të hap as vendvotime në shkolla publike që financohen prej qeverisë së Kosovës. Unë besoj që tash jemi në një situatë kur ne fakt do të rritet edhe më shumë presioni ndërkombëtarë mbi qeverinë e Kosovës për ta formuar Asociacionin sepse po them nuk ka më as një lloj instrumenti politik, për ti ri-integruar serbet. Çdo veprim policor, gjithmonë por veçmas tash e tutje do të jetë në dëm të imazhit të Kosovës sepse do të llogarite si një lloj diskriminimi që bëhet ndaj serbeve”, ka thënë ai.
Profesori Krasniqi, ka thënë se qeveria e Kosovës do të duhej që me urgjencë të dërgonte draftin e Asociacionit në Kushtetuese dhe më pastaj të themeloj atë, të behje dorëheqja e kryetarëve ne veri, dhe kështu sipas tij, me themelimin e Asociacionit, organizimit të zgjedhjeve dhe finalizimit të marrëveshjes bazë do të behej ri-integrimi i serbeve dhe do të eliminohej rreziku i eskalimit në veri.
“Qeveria do të duhej të shkonte në një drejtim tjetër, e para që me urgjencë ta dërgonte draft statutin në Gjykatën Kushtetuese, e dyta që kryetarët e komunave atje të japin dorëheqje momentale dhe të lidhen pastaj një aksion politik përmes themelimit të Asociacionit, organizimit të zgjedhjeve dhe finalizimit të marrëveshjes bazë në mënyrë që të krijohet një pako e veprimeve me të cilën në një mënyrë ose tjetër, e para do të ri integroheshin serbet dhe e dyta që është edhe më e rëndësishme do të eliminohej rreziku i eskelaimit në veri. Sepse me këtë situatë anarkie që ekziston që ekziston atje, gjithmonë ekziston rreziku i një konflikt që mund të destabilizoj jo vetëm veriun por gjithë Kosovën”, ka thënë ai.
