Drejtori i Punës dhe Mirëqenies Sociale, Edmond Hoxha, ka vizituar sot disa objekte të cilat janë ende të pa përfunduara, të cilat janë të dedikuara për kategori të ndryshme sociale.
Hoxha, ka thënë se funksionalizimi i këtyre objekteve do të ndikojë në jetën e qytetarëve të cilët pritet të jenë përfitues.
“Në kuadër të përgatitjes së projekteve dhe evidentimit të gjendjes së objekteve të cilat menaxhohen nga Drejtoria e Punës dhe Mirëqenies Sociale, sot, drejtori Edmond Hoxha, vizitoi disa nga objektet të cilat janë ende të pa përfunduara.
Funksionalizimi i plotë i objekteve të kategorive sociale do të ndikojë drejtpërdrejt në jetën e qytetarëve të Komunës së Prizrenit”, thuhet në njoftimin e Komunës së Prizrenit./04 Online
