Kosova ka fituar të drejtën për organizimin e Lojërave Mesdhetare për vitin 2030.
Kështu ka vendosur sot Asambleja e Përgjithshme e Komitetit Ndërkombëtar të Lojërave Mesdhetare (ICMG), që u mbajt në Heraklion të Greqisë.
Kandidatura e Kosovës, përkatësisht Prishtinës, u prezantua nga kryeministri i vendit, Albin Kurti, kryetari i Komitetit Olimpik të Kosovës (KOK), Ismet Krasniqi, dhe sekretari i përgjithshëm i KOK-ut, Besim Aliti.
Në Lojëra Mesdhetare marrin pjesë sportistë nga 26 shtete, teksa Kosova pritet të investojë mbi 250 milionë euro për organizimin e kësaj ngjarjeje.
