Sindroma “Snapchat” është një problem që po prek veçanërisht gjeneratat e reja, më të zhyturit në rrjetet sociale, nga TikTok tek Snapchat.
Një problem për të cilin Wall Street Journal filloi të fliste që në vitin 2019 dhe që është rritur në mënyrë eksponenciale, siç tregojnë të dhënat e fundit, gjatë dy viteve të pandemisë. Rezultati është ajo që ekspertët e quajnë “dismorfia”, një problem i vetë-pranimit, veçanërisht tek paraadoleshentët, i cili shkakton standarde dominuese estetike në rrjetet sociale.
Dismorfia e Snapchat-it: mediat sociale “minojnë” vetëpranimin
Siç po denoncojnë shumë psikologë, dismorfia e Snapchat-it është një patologji që është pjesë në çrregullimin obsesiv kompulsiv dhe që çon në shqetësim të vazhdueshëm për veten ose për një pjesë të trupit që konsiderohet e papërsosur.
Problemi është reagimi: nuk ka dëshirë për t’iu drejtuar kirurgjisë estetike për të përmirësuar veten duke u ngjanur me imazhin që na japin filtrat socialë dhe as për t’u shqetësuar për një defekt. Problemi shkon shumë më tej, sepse defekti në dukje konsiderohet i papranueshëm, madje i deformuar, aq sa cenon qetësinë e përditshme dhe imazhin që sheh në pasqyrë, si dhe në shoqëri.
Të rinjtë humbin plotësisht vizionin për veten e tyre, duke u ndjerë në qendër të vëmendjes negative nga të tjerët, gjë që në realitet nuk ekziston. Shpesh, kjo rezulton në vetëizolim.
Rasti i kompanisë Lush, që nuk operon më në rrjetet sociale në shenjë sensibilizimi
Alarmi i Sindromës Snapchat u përsërit edhe në fund të vitit 2021, më saktë në nëntor, kur Lush, gjiganti i gjelbër i kozmetikës, papritur vendosi të braktisë të gjitha kanalet sociale. Kompania nuk ka më dëshirë të vazhdojë një komunikim të bazuar në plotësimin e nevojave estetike të mediave sociale në kurriz të shëndetit, përfshirë shëndetin mendor, të ndjekësve.
Ankesa erdhi nga kompania e kozmetikës kur disa foto të publikuara në Instagram nuk u miratuan ose u penalizuan nga algoritmet e platformës sepse u konsideruan shumë “të shëmtuara”, “të zakonshme” dhe në përgjithësi “më pak tërheqëse”.
Norvegjia është shteti i parë që mban një qëndrim shumë të qartë për sindromën Snapchat. Verën e kaluar, u miratua një amendament i Aktit të Marketingut, i cili përfshin kryesisht ndikues dhe reklamues, duke i detyruar ata të deklarojnë përdorimin e mundshëm të filtrave të fotografive dhe fushatave të bukurisë, me qëllim që të mos ushqehen pritshmëritë joreale të përsosmërisë që po dëmtojnë ekuilibrin e gjeneratave të reja.
