Diplomati amerikan, Gabriel Eskobar në një intervistë për Zërin e Amerikës në gjuhën serbe, ka deklaruat se”…Si pikë e parë dua të them se të dy gjërat (Asociacioni dhe Plani franko-gjerman) nuk janë plotësisht të lidhura. Asociacioni është një detyrim ekzistues dhe duhet të zbatohet. Propozimi franko-gjerman është një propozim shumë i mirë që u mundëson të dyja vendeve të përparojnë drejt paqes së qëndrueshme…”!?Është kjo një deklaratë (që për formatin e nivelit të Tij dhe mendimin tim) tejet skandaloze! Po krejt veriun e Kosovës me ia pas lënë në amanet këtij diplomati amerikan, babai i tij trashëgimi Ai s’do duhej të deklarohej në këtë mënyrë!? Dëgjoni, çfarë thotë, ky diplomat: “Ne do ta bëjmë, (aludimi është në Zajednicē!) atë duke gjetur partnerë, ka shumë njerëz që dëshirojnë të shohin marrëdhënie më të mira mes serbëve në veri dhe në pjesën tjetër të vendit. Këtë muaj do të fillojmë të flasim me njerëz që kanë ide të mira…”
O Zotëri, kush janë këta “partnerë e njerëz…që kanë ide të mira..”? Se Kosova, s’është as Afganistan ë as Kurdiskan, ku mund te ndërrohen njerëzit sa herë që të dëshironi! Kosova,o i nderuar e ka një, qeveri legjitime e (keqe e mirë, qikjo që është, me 51% elektorat) legale që është zgjedhur përmes votës së lirë. Tani, nëse Ju me intencën dhe intuitën Tuaj diplomatike, aludoni apo mendoni e gjykoni se këta “partnerë e njerëz… që kanë ide të mira”, do i hasni te opozita kosovare, jam shumë i bindur që gabim e keni! Sepse, te opozita nuk besoj që mund të gjesh dike që me dorë të vetë guxon ta nënshkruaj Zajednicen (si po ë kërkon Serbia), e në ndërkohë, të planifikoj të jetoj e veproj në po këtë nënqiell të Kosovës, qetas e pa e bre ndërgjegjja fare!? Kosova nuk është sa Amerika e madhe, në mënyrë që këtyre “partnerëve e njerëzve…” do u mundësonte me e fshehë, apo me e ndërruar identitetin…! Unë s’e besoj këtë! E nëse mendon dhe aludon që këta “partnerë e njerëz…që paskan ide të mira..”, do i gjesh te shoqëria civile apo te ndonjë medie sociale cilido qoftë ai, po ua them që prapë gabim e keni, Z. Eskobar! Sepse, do ishte skandal mbi skandal, sikur këta “partnerë e njerëz…”, në të cilët po aludoni dhe shpresoni (e të cilët ashtu sikurse Ai djaloshi…Grennel, i joshi me “kurorë” pushteti e me privilegje) të marrin përgjegjësi e kompetencë te flasin publikisht dhe të nënshkruajnë publikisht hatri Yt, lloj lloj Zajednica, pa mandatin e fituar dhe të ngarkuar nga qytetarët e Kosovës!?
Argumenti tjetër edhe shumë më i fuqishëm Z.Eskobar është, se sot; shqiptaret ë Kosovës (si qytetar por edhe si shoqëri) nuk janë më sikurse ata të viteve 90-ta, kur u mungonte legaliteti dhe legjitimiteti juridik (shkaku i okupimit klasik nga Serbia!) Ne atëbotë,edhepse e kishim një legalitet e legjitimitet shumë më shumë moral se sa juridik e faktik, me qëndrimin e Ibrahim Rugovës, u thamë; Jo zgjedhjeve të Kosovës, në Serbi!? Andaj, Ju lus që të mos bëni “pazare” pa hanxhiun, se edhe Ai djaloshi…para teje Z. R. Grennell loboj kogja shumë ta kontrabandoj te njëjtën Zajednicë, përmes “kanaleve” tjera, por dështoi! Amerika, sa kuptojmë, nuk ngurron t’i zëvendëson personat e diplomacisë jomeritokrate. Ajo nuk “tregton” me askënd në botë, kur janë në pyetje interesat e saja strategjike e gjeopolitike. Amerika, është shumë më superiore se që duket; shumë më serioze, se që mund të paramendohet; shumë më e fortë se që e prezantojnë; Palmer, Grenell, Escobar dhe së fundi edhe Kris.Hill…!
